सम्झेर ती दिन, हुरी बतास, प्रीती बस्यो लगायत गीत गायक निमा रुम्बाका चर्चित गीतहरु हन । उनको पुरा नाम नीमा छिरिङ भए पनि आम दर्शक माझ उनी निमा रुम्बा कै नामले चिनिएका छन् । पर्सामा जन्मिएका रुम्बा लामो समयदेखी नेपाली गीत संगीतको क्षेत्रमा निकै लोकप्रीय गायकको रुपमा परिचीत छन् । गायन शैली र आवाजले लाखौ दर्शकहरुको मन जिती सकेका उनी अहिले विदेशकै साङगीतिक कार्यक्रमामा व्यवस्त छन् । दशैैंलाई लक्षित गरेर अमेरिककामा हुन लागेको दशैं तिहार फेस्ट २०२४मा पनि लाइभ म्युजिक हेर्न लाखौ नेपाली दर्शक उनको पर्खाइमा छन् । अक्टोबर ५ मा हुने दशै तिहार फेस्ट २०२४ मा उनको लाइभ प्रस्तुतिलाई कार्यक्रमको मुख्य आर्कषणको रुपमा हेरिएको छ । कार्यक्रममा रुम्बा संगै अर्का चर्चित गायक प्रमोद खरेलको पनि विशेष प्रस्तुुती रहनेछ ।
नेपाल भन्दा बाहिर गरिने भए पनि सबै नेपाली दर्शकलाई जोड्ने उदेश्यले उक्त कार्यक्रम हुन लागेको हो । नेपालको कला संस्कृतिलाई अमेरिकामा प्रर्वधन गर्ने उदेश्यले आयोजना गरिने हुनाले यस कार्यक्रममा नेपालको कला संस्कृति झल्किने पोसाक, खेल, गहना, खानाको परिकार, चंगा फेस्टिवल आदी हुनेछन् ।
यस कार्यक्रममा प्रवेश शुल्क १५ डलर तोकिएको छ भने भिआइपी टिकट १०० डलर तोकिएको छ । यस्तै १० वर्ष देखी मुनीका र ६५ वर्ष देखी माथीकालाई शुल्क नलिने आयोजकले बताएको छ । यस कार्यक्रम दशैं तिहार फेस्टिवल २०२३ को अपार सफलता पछि नेपालीहरूको महान पर्व दशैं तिहारलाई लक्षित गरी पुन उक्त फेस्टिबल हुन लागेको हो ।
थ्री इन्टरटेनमेन्टद्वारा हुन लागेको उक्त फेस्टिबल ५ अक्टोबर २०२४ मा प्रिन्स विलियम काउन्टी मनाससमा हुदैँछ ।यस्तै यस कार्यक्रमलाई आर एन आर ग्रुप युएसले सहयोग गरेको छ ।
