काठमाडौं, भदौ ३०। आइतबार बसेको मन्त्रिपरिषद बैठकले आगामी मंसिर १६ गते स्थानीय तहको उपनिर्वाचन गर्ने निर्णय गरेको छ । निर्वाचन आयोगले सरकारलाई दिएको सुझावको आधारमा सरकारले उक्त निर्णय गरेको हो ।
निर्वाचन आयोगले आइतबार नै सरकारलाई आगामी मंसिर १६ गते उपनिर्वाचन गर्न सुझाव दिएको थियो । आयोगका अनुसार अहिले देशका ३ स्थानीय तहमा प्रमुख तथा अध्यक्ष सहित ३९ पद रिक्त छ । उक्त रिक्त पदमा उपनिर्वाचन गर्ने निर्णय आज भएको हो ।
काठमाडौंको कीर्तिपुर नगपालिकामा प्रमुख पद रिक्त रहेको छ भने मोरङको ग्रामनाथ र दैलेखको महाबु गाउँपालिकामा अध्यक्ष पद रिक्त रहेको छ । दोलखाको गौरीशंकर, कालीकोटको नलगाड र डोल्पाको त्रिपुरासुन्दरी गाउँपालिकामा उपाध्यक्ष पद रित्त छ । यसका साथै विभिन्न स्थानीय तहहरुमा वडाध्यक्षहरुको पद समेत रिक्त रहेको अवस्था छ ।
शुक्रबार मात्र रुकुम पूर्वको पुथा गाउँपालिककी उपाध्यक्षको सवारी दुर्घटनामा निधन भएको छ । उक्त पद रिक्त भएको औपचारिक जानकारी आएमा त्यहाँ पनि मंसिर १६ मै उपचुनाव गर्न सकिने आयोगले जनाएको छ ।
